Inawat ni Mayor Menchie C. Lomboy-de Guzman, M. D. ti 2020 Anti Drug Abuse Council (ADAC) Special Award manipud ken DILG Provincial Director Virgilio P. Sison, CESE itay nabiit.

Ti ADAC Special Award ket maysa a pammigbig iti nasayaat a panangimaton ken suporta ni Mayor De Guzman kadagiti programa ti gobierno iti panagpaksiat ti droga.

Naikkan ti pammadayaw ti ili a Bauang babaen iti pannakasustinir ti munisipio kadagiti programana iti anti-drug abuse.[MADAC]